Cështja penale ndaj ish presidentit amerikan Donald Trump i është afruar fundit. Pasi dëgjuan për 16 ditë dëshmitë e gati 24 dëshmitarëve dhe për disa orë të tjera argumentat mbyllëse të palëve, ka ardhur momenti që anëtarët e jurisë të thonë fjalën e tyre. Juria e përbërë nga shtatë burra dhe pesë gra, u tërhoq të mërkurën për të filluar procesin e shqyrtimit të çështjes së parë penale ndaj një ish kreu të shtetit amerikan dhe në fund, të vendosë nëse ai do të shpallët apo jo fajtor për 34 akuza mbi falsifikimin e të dhënave të kompanisë së tij. Prokurorët insistojnë se Trump falsifikoi të dhënat për të fshehur rimbursimet për ish-avokatin e tij Michael Cohen, i cili i pati paguar aktores së filmave për të rritur Stormy Daniels 130 mijë dollarë në javët e fundit të fushatës elektorale të vitit 2016, me qëllimin që ajo të mos bënte publike pretendimet e saj për një marrëdhënie intime me Trump të një dekade më parë. Trumpi pretendon pafajësinë dhe ndërsa këmbëngul se nuk ka ekzistuar kurrë një marrëdhënie e tillë mes tij dhe Daniels, thotë se pagesat për Cohen u evidentuan siç duhet në regjistrat e kompanisë, si shpenzime ligjore. Që ai të shpallet fajtor, nevojitet që me këtë gjë të 12 anëtarët e jurisë të pajtohen përtej dyshimit të arsyeshëm. Në rastin e një skenari të tillë, Trumpi mund të kthehet në kandidatine parë të një partie të madhe në vend që kandidon për president të SHBA-së si një person që ka kryer shkelje penale, ndërsa rrezikon maksimumi 4 vite burg, ose një dënim më lehtë me kusht dhe një gjobë. Ai me shumë gjasë do ta apelojë një vendim të tillë. Pamje: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Më shumë ↓ 
