![Ori Nebijaj reagon pas pakënaqësive të banorëve ndaj opinioneve të saj: E prisja, por thashë atë që…](https://static0.top-channel.tv/wp-content/uploads/2024/05/a-6.jpg)
Pas përfundimit të eksperiencës si opinioniste e Big Brother VIP, Ori Nebijaj ka folur për vështirësitë që ka hasur.
E ftuar në emisionin “Pardon My French” në TAR, Ori Nebijaj ka folur edhe për ‘pakënaqësitë’ e banorëve, të cilët nuk kanë rënë dakord me opinionet e saj.
Ori tha se kishte marrë parasysh që pakënaqësitë do të ndodhnin.
“Duke qenë se isha e qartë se do të ishin valë. Shiko, është e pamundur të gabosh në dhënie opinionesh dhe mendimesh që ti absolutisht e nënvizon çdo herë që janë thjeshtësisht të tuat. Dhe ashtu siç unë kam një opinion në atë kolltuk, patjetër që përgjegjësia është më e madhe, sepse unë jam e ulur aty dhe më dëgjojnë të gjithë po njësoj ka çdo person që e ndjek Big Brother-in na shtëpia një opinion të tijin.
Kështu që, që të biem të gjithë në një mendje do të ishte absurde dhe madje do të isha shqetësuar nëse nuk do të kishte disi debat apo diskutim mbi opinionet që unë kam shprehur. Unë me thënë të drejtën jam shumë e lumtur që i kam thënë gjërat siç i mendoj dhe i kam thënë të vërtetat e mia ashtu bruto siç unë i kam menduar, sepse sado që njerëzit të mos mendojnë si ty e vërteta ime nëse është e pastër është thjesht e imja,”-tha ajo.
Top Channel